†♥† ዝክረ ጻድቅ ለዓለም ይሄሉ†♥† መዝ.111፡1-6

†♥†በሰመአብ ወወልድ ወመንፈስ ቅዱስ አሐዱ አምላክ አሜን†♥†

†♥†እንኳን ለአባታችን ለጻድቁ አቡነ ተክለ ሃይማኖት የበዓላቸው  መታሰቢያ  በሰላም አደረሰን።†♥†

“ጻድቅን በጻድቅ ስም የሚቀበል የጻድቁን ዋጋ ይወስዳል እውነት እላችኋለሁ ማንም ከእነዚህ ከታናናሾቹ ለአንዱ ቀዝቃዛ ጽዋ ውኃ ብቻ በደቀ መዝሙር ስም የሚያጠጣ እውነት እላችኋለሁ፥ ዋጋው አይጠፋበትም። "  የማቴዎስ ወንጌል ፲፡፵­-፵፪ (10፥40­-42)

†♥† ዝክረ ጻድቅ ለዓለም ይሄሉ†♥† የጸድቅ መታሰቢያ ለዘላለም ይኖራል መዝ.111፡1-6 ምሳሌ 10፡7 ማቴ. 10፡40-42

ቅድመ ዓለም ዘሀሎ አለም ከመፈጠሩ በፊት ለነበረ ለእግዚአብሔር አብ እና የእመቤታችን የቅድስት ድንግል ማርያም ሥጋን ለለበሰ ለእግዚአብሔር ወልድ እንዲሁም ከእነሱ ባለመራቅ ለሚኖር  ለእግዚአብሔር መንፈስ ቅዱስም ምስጋና ይገባል፡፡ የአባቴ የጻድቁ አቡነ ተክለ ሃይማኖት ነገር እና መልክአ በማብዛት አይደለም በማሳነስ በማስረዘም አይደለም በማሳጠር እንድጽፍ ያነሳሳኝ ክብርና ምስጋና ጌትነትና ውዳሴ ይገባዋል አሜን በእውነት፡፡

†♥†አቡነ ተክለ ሃይማኖት ቡልጋ ደብረ ጽላልሽ ወይም ዞረሬ ቅዱስ ሚካኤል ቤተክርስቲያን የሰበካ ክልል ከአባታቸው ከካህኑ ቅዱስ ጸጋ ዘአብና ከእናታቸው ቅድስት እግዚእ ኃረያ መጋቢት ፳፬ ቀን ተፀንሰው፤ በ፲፩፻፺፯ ዓ.ም ታኅሣሥ ፳፬ ቀን ተወለዱ፡፡ በተወለዱ በሦስት ቀናቸው ከእናታቸው እቅፍ ወርደው «አሐዱ አብ ቅዱስ፣አሐዱ ወልድ ቅዱስ፣ አሐዱ ውእቱ መንፈስ ቅዱስ» ብለው ሥላሴን አመስግነዋል፡፡ ወላጆቻቸውም ፍስሐ ጽዮን አሏቸው፡፡ ትርጓሜውም የጽዮን ተድላዋ ደስታዋ ማለት ነው፡፡ ተክለ ሃይማኖት ማለት ደግሞ ተክለ አብ ተክለ ወልድ ተክለ መንፈስ ቅዱስ ማለት ነው፡፡

ሶስቱ ምክሮች

(ደቂቀ ናቡቴ መስከረም 23,2005 ዓ.ም) ይህን ፅሁፍ የት እንዳነበብኩት በውል ትዝ አይለኝም እናንተ ግን ትማሩበት ዘንድ እንድታነቡት አቀረብኩላችሁ ታሪኩ እንዲህ ነው፡-  

ከወንድሞች አንደበት ከሰማሁት ብሎ ይጀምራል ፀሀፊው ቀጥሎም  ባንድ ወቅት አንድ ባል እና ሚስት በትዳር ሁለት ልጆችም ነበራቸው፡፡  አብረውም ሲኖሩ በመሃላቸው ልዩ የሆነ ፍቅር ነበራቸው፡፡ በቤታቸው ግን የሚላስ የሚቀመስ በመጥፋቱ ምክንያት  ይህንን ችግር ለዘለቄታው ለመፍታት ባል ራቅ ብሎ ሄዶ  ሊሰራ ተስማምተው  ራቅ ወዳለ ከተማ ሄዶ መስራት ጀመረ፡፡ በተከታታይ ለ13 ዓመታት ሰራ ከዚያም ወደናፈቁት ቤተሰቦቹ ለመሄድ ተነሳ፡፡ ያልገመተው ነገር ከቀጣሪዎቹ መጣ ምን? ደሞዝ፡ ደሞዙ ምን ሆነ? በተለያየ ምክንያት ተቆራርጦ ከሚጠብቀው ከግማሽ በታች የሆነውን 3000 (ሶስት ሺ) ብር  ተሰጠው፡፡ ምን ያድርግው? ተመልሶ እዛው ስራውን ይቀጥል? ወደ ናፈቁት ቤተሰቦቹ ይሂድ? ይቻላል ግን ተመልሶ ቢሰራ ደሞዙ መቆራረጡ አይቀሬ ነው፣ ወደ ቤተሰቦቹ እንዳይሄድ በ13 ዓመት ይህን ብቻ ሰራሁ ቢል ማን ያምነዋል? አወጣ አወረደ በመጨረሻም  ሌላ ቦታ ተቀጥሮ ለመስራት ወሰነ፡፡  ሌላ ጉዞ..፡፡ ብዙ ከተጓዘ ብኋላም አንድ አባት አገኘ፡፡

እኛም አባት “ወዴት ትሄዳለህ ልጄ ምንስ ትፈልጋለህ?” አሉት፣ አሱም ሁሉንም ከመጀመሪያው እስከ መጨረሻው ነገራቸው፡፡

አኛም አባት አንዲህ አሉት “እንግዲያውስ የምትፈልገውን ማግኘት ቀላል ነው፡፡”

እሱም "እንዴት አባቴ?" ሲል ጠየቃቸው

እሳቸውም "በል አንድ ሺ ብሩን አምጣና እነግርሀለሁ" አሉት የቸገረው ነውና ነገሩ አሱም አንስቶ አንድ ሺ ብሩን ሰጣቸው፡፡

እኝህ አባትም "አቆራጭ ነው ብለህ በማታውቀው መንገድ አትሂድ" ይሉታል፡፡

ቅዱስ ያሬድ ዜማውና 1500ኛ አመት መታሰቢያ ክፍል አራት

1500ኛ ዓመት የቅዱስ ያሬድን በዓል ምክነያት በማድረግ ከክፍል አንድ እስከ ክፍል ሶስት  "ሊቁ ቅዱስ ያሬድ ዜማውና 1500ኛ አመት መታሰቢያ"  በሚል ርእስ አስነብበናችኋል፡፡  ዛሬ ደግሞ በክፍል አራት የቅዱስ ያሬድ የዜማ ምልክቶች  በሚል ይዘንላችሁ ቀርበናል፡፡

የቅዱስ ያሬድ የዜማ ምልክቶች ለዜማው መመሪያ እንዲሆኑ የፊደል ቅርጽ  የሌላቸው ስምንት ምልክቶችና የፊደል ቅርጽ  ያላቸው  ሁለት የዜማ ምልክቶች አሉት፡፡ እነዚህ ምልክቶች በሙሉ ምሳሌነታቸው ስለጌታችን መድኃኒታችን ኢየሱስ ክርስቶስ ከልደት እስከ ዕርገት ላደረገው የመስቀል ጉዞ ነው፡፡

•   ድፋት(  )ምሥጢሩ የክርስቶስን ከሰማየ ሰማያት መውረድ ያስረዳል፡፡

•   ሂደት ( )ምሥጢሩ ጌታ በዚህ ዓለም እየተመላለሰ /እየተዘዋወረ/ ማስተማሩንና በተከሰሰም ጊዜ ከሐና ወደ ቀያፋ ወደ ሄሮድስና ወደ ጲላጦስ ምንም ሳይናገር መመላለሱን ያስረዳል፡፡

ብዙኃን ማርያም

መስከረም ፳፩

ብዙኃን ማርያም  

መከበሩ ስለ ሁለት ነገር ነው። አንዱ ጉባኤ ኒቂያን ይመለከታል።

፩ የመጀመሪያው ከተፍጻሜተ ሰማዕት አንዱ ከቅዱስ ጴጥሮስ ተማሪዎች አንዱ አርዮስ “ትቤ ጥበበ ፈጠረኒ አብ ከመ እኩን መቅድመ ኩሉ ተግባሩ” ያለውን ንባብ ይዞ “ወልድ ፍጡር ነው” ብሎ ተነስቶ የእስክንድርያው ሊቀ ጳጳስ እለእስክንድሮስ አውግዞት በዚህ ምክንያት በጉባኤ እንዲነጋገሩ የሮም ንጉስ ደጉ ቆስጠንጢኖስ በኒቂያ ጉባኤ ይሁን ብሎ አዋጅ አስነግሮ የመስከረም 21 ዕለት በ2340 (43) ሊቃውንት በኒቂያ ተሰብስበዋል።

፪. “መስቀልን ይመለከታል።”

†♥† “በምድር ላይ ኃጢአትን አሰረ፤ በሲዖል ሞትን አሸነፈ፣ በመስቀል ሳለ መርገምን ሻረ፣ በመቃብር ውስጥ ፈርሶ በስብሶ መቅረትን አስቀረ። (ቅዱስ አትናቴዎስ) †♥†

†♥† የጌታ ግማደ መስቀል በብዙ እንግልትና መከራ በግብጻውያን ከተወሰደብን በኋላ የግብጻውያንንም ኑሮ በግዮን ውሃ ላይ የተመሰረተ ስለሆነ ይግዮንን ውሃ በመገደብ በኋላ ላይ ግብጻውያን አማላጅ ልከው መስቀሉን እንመልስላችኋለን ውሃውን ልቀቁልን በማለት በብዙ መከራ እንደመጣ የቤተ ክርስቱያናችን ታሪክ ይገልጻል።   በወቅቱም በሀገሪቱ ሰማይ ዝናብ ለዘር ጠል ለመከር ከመስጠት ተከልክሎ ምድርም የዘሩባትን ከማብቀል የተከሉባትን ከማጽደቅ ተከልክላ ረሃብ ሆኗልና፤ ምናልባት ጌታ ቢታረቀን ከመስቀሉ አንዱን ወገን ላኩልን ብለው ጽፈው እጅ መንሻ ጨምረው ላኩ። ይገባዋል ብለው መክረው ዘክረው የቀኝ ክንዱ ያረፈበትን፣ ስዕለ ተኮርዖውንና ቅዱስ ሉቃስ የሳላትን ስዕለ ማርያም ላኩላቸው።

 ደግማዊ ዳዊትም ሊቀበሉ ስናር ድረስ ወርደው በእልልታ በሆታ ተቀብለው ሲመለሱ እሳቸው ባዝራ ጥላቸው ከመንገድ ዐርፈዋል።

ዕረፍቱ ለቅዱስ ኤውስጣቴዎስ

በስመ ሥላሴ

መስከረም ፲፰

ወበዛቲ ዕለት አዕረፈ ጻድቅ (ቅዱስ) ኤውስጣቴዎስ) (1215-1313)

†♥†”ከቡር ሞቱ ለጻድቅ በቅድመ እግዚአብሔር  /“የቅዱሳኑ ሞት በእግዚአብሔር ፊት የከበረ ነው።”†♥† መዝ.፻፲፭/፻፲፮፡፲፭/ መዝ.115/116፡15

“ቅዱሳን በመለኮታዊ ማዕጠንት የተቀጣጠሉ ዕጣን ሲሆኑ የተቀጣጠሉበትም በፈጣሪያቸው ፍቅር ነው።” (ብጹህ ወቅዱስ አቡነ ሽኖዳ)

አባታቸው ክርስቶስ ሞአ እናታቸውስነ ሕይወት ይባላሉ። በብስራተ መልአክ ወልደዋቸዋል። ዘካርያስ ለሚባል መምህር ሰጥተዋቸው ሲማሩ ሲያገለግሉ አደጉ። ኋላም መዓርገ ምንኩስናን  ተቀብለው በትኅርምት የሚኖሩ ሆነዋል። አንድ ቀን የነግህ ተግባራቸውን አድርሰው ከመካነ ግብራቸው ተቀምጠው ሳሉ ጌታ እንዲረዳቸው ሆኖ ተገልጾ ለኢትዮጵያና ለአርመንያ ሐዋርያ እንድትሆን መርጬሃለሁና ዙረህ አስተምር ”አንተን የሰማ እኔን ሰማ አንተን ያልሰማ እኔንም አልሰማም” አላቸው። “እናንተን የሚቀበል እኔን ይቀበላል፥ እኔንም የሚቀበል የላከኝን ይቀበላል።” ማቴ.፲፡፵ (10፡40) እንዲል። መዓርገ ቅስና ተቀብለው ማስተማር ጀመሩ።

አንድ ቀን ቅዱሳት መካናትን እጅ ለመንሳት ስድስቱን ቀን እየተጓዙ ሰንበትን እያረፉ ኢየሩሳሌም ደርሰው ሲመለሱ እግረ መንገዳቸውን ወደ አርመንያ ሲሄዱ ባሕረ ኢያርኮ ደረሱ። መርከበኛ አግኝተው እንዲያሳፍራቸው ጠይቀውት ትቷቸው ሄደ። የለበሱትን አጽፍ ከባሕሩ ላይ አንጥፈው ልጆቼ ጥበበ እግዚአብሔርን እመረምራለሁ ሳትሉ ተሳፈሩ አሉ። ተሳፍረው ሲሄዱ ተጠራጥሮ የነበረ አንድ ደቀ መዝሙር የመርፌ ቀዳዳ በምታህል ቀዳዳ ሾልኮ ሰጥሟል። እርሳቸው ግን ከነደቀመዛሙርቶቻቸው ቅዱስ ሚካኤልና ቅዱስ ገብርኤል በግራ በቀኝ ሆነው እየቀዘፉ አሻግሯቸዋል። ኋላ ግን ያን ደቀመዝሙር ጸልየው አድነውታል። “አንተ እምነት የጎደለህ፥ ስለምን ተጠራጠርህ? አለው። ወደ ታንኳይቱም በወጡ ጊዜ ነፋሱ ተወ። ማቴ.፲፬፡ ፴፩-፴፪ (14፡31-32)