ኢትዮጵያ ለመጀመሪያ ጊዜ ፓሮቴስታንታዊ መሪ አስተናገደች

"†♥†ለአንቺም የማይገዛ ሕዝብና መንግሥት ይጠፋል፥"ኢሳ.60፡12

ኢትዮጵያና የኢትዮጵያ ኦርቶዶክስ ተዋህዶ ሃይማኖት መቼም የማይነጣጠሉ ነበር ዛሬ ዛሬ ግን ቤተ ክርስቲያናችን ተሰሚነቷ እየቀነስ አመራሩ አካል ጫና እያሳደረባት እና ቤተ ክርስቲያኗ እንኳን ሲቃጠሉ ሀይ ባይ እያጣች መጥቶ ዛሬ ደግሞ ይህ አልበቃ ብሎ ኢትዮጵያ እና ኦርቶዶክስ ተፋተው የፕሮቴስታንት ሃይማኖት ተከታይ መሪ ለማስተናገድ በቃች፡፡

መቼም ሁላችሁም እንደምትገምቱት ሐይለማርያም ብሎ ፓሮቴስታንት አይኖርም አይደረግም ብላችሁ ተገምቱ ይሆናል ነገር ግን በደቡቡ በከፍተኛ ሁኔታ እየተንሰራፍ ያለው የፕሮቴስታንት እምነት ወደድንም ጠላንም አሁን መሪ የተባሉትን ጠቅላይ ሚንስቴር ሀይለ ማርያም ደሳለኝን ሳይቀር  ሰለባ አድርጓቸዋል፡፡ ወላይታና አካባቢውም ቢሆን የኢትዮጵያ ቤተ ክርስቲያን ተኩረት ባለመስጠቷ ብዙዎቹ ካደጉባት ቤተ ክርስቲያን   አስተምህሮዋን ባለመረዳት ኮብልለዋል፡፡ እግዚአብሔር ወደ እናት ቤታቸው እስኪመልስልን ልንፀልይ ይገባል እኛ የምንሰራቸው የቤተ ክርስቲያናችን ስራዎች ግን በዝተዋል ፡፡

“ትሻልን ሰድጄ ትብስን አመጣሁ”  እንዲሉ
የሆነብን ከዚህ የተለየ አይደለም ምንም እንኳ ያለፉት ጠቅላይ ሚኔስቴርም ለቤተ ክርስቲያናችን  እንደዋልድባ ገዳም ያሉትን ችግሮች እላያችን ላይ ደንቅረው መፍትሄ ሳይሰጡት ከማረፋቸው ውጪ ምንም ባያደርጉልንም ከአሁኑ የማይሻልበት ምክነያት አይኖርም   ይህም ምክነያታችን ግን ግልፅ ነው ፡፡ አሁን እየተከሰተ ያለው ችግር የእግዚአብሔር ቁጣ ነው ብሎ የእግዚአብሔርን ሐያልነት ተረድቶ አቅጣጫውን የሚያስተካክል መሪ በሚያስፈልግበት ወቅት እንዲህ ያለ ነገር መስማት ይከብዳል፡፡  የቅርብ ጊዜ ትውስታችንን እንኳን ብናስታውስ ከንቲባ አሊ አብዶ ሰልጣን በያዙበት አመት  ለእስልምና እምነት  መሰጊድ በአዲስ አበባ ያሰሯቸውን ብንቆጥር ከሁሉም አሳዛኝ ያደርገዋል፡፡

 የኢትዮጵያ ቤተ ክርስቲያን ሕገ አበውን፣ ሕገ ኦሪትንና ሕገ ወንጌልን አስተባብራ በመያዝ የጥበብ ምንጭ፣ የሥርዓት መፍለቂያ፣ የዕውቀት ባሕር ሆና ሁሉ የተሟላላት ስንዱ እመቤት ናት። 

በማኅበራዊ አገልግሎቷ ደግሞ የድኩማን መጠጊያ፣ ያዘኑና የተከፉ መጽናኛ፣ የማንነትም አሻራ ነች። ለዚህም የቤተ ክርስቲያን አገልግሎት በተለያዩ ገዳማት፣ አድባራት፣ አብያተ ክርስቲያናት የሚገኙ የአብነት ት/ቤቶች ተቀዳሚ ተጠቃሾች ናቸው። በተለያዩ ጊዜያት የተንኮልና የክህደት ቋጠሮ ይዘው የመጡ መስሐቲያን (አሳሳቾች) አፍረው የተመለሱት ከአብነት ት/ቤቶቹ በወጡ የሀገር መሪ መምህራን ነው ብዙ መጥቀስ ይቻለል።

 ከዚህም በተጨማሪ ለሀገር መሪ ለሕዝብ አስተማሪ በመሆን ሕዝብን ያገለገሉ ደጋጎች  በአጠቃላይ ከቤተ ክርስቲያን የወጡ የኢትዮጵያ ኦርቶዶክስ ተዋሕዶ ቤተ ክርስቲያን ልጆች ናቸው። ሌላው ልንገነዘበው የሚገባ ቁም ነገር ቢኖር ገና ያልደረስንባቸው ብዙ እምቅ መንፈሳዊ ሃብቶች ያሉን መሆናቸዉ ነው::

የኢትዮጵያ ኦርቶዶክስ ተዋሕዶ ቤተ ክርስቲያን ለኢትዮጵያ ተቆጥሮና ተሰፍሮ የማያልቅ ውለታ የዋሉ፤ እንደ ዓይናችን ብሌን ልንጠብቃቸው የሚያስፈልጉ የተቀደሱ  ኢትዮጵያ ኦርቶዶክስ ተዋሕዶ ቤተ ክርስቲያን ሥፍራዎቻችን ናቸው፡፡

ለኢትዮጵያ የሥነ ጽሑፍ፣ የሥነ-ሥዕል፣ የፊደል፣ የሥነ-ሕንጻ ምንጭነትና አጠቃላይ የሥልጣኔና የትምህርት ማዕከል በመሆን ያገለገሉና እያገለገሉ ያሉ የሀገር ኩራት ሊቃውንቶቿ ናቸው፡፡ በውስጣቸው የሚገኙት ንዋያተ ቅድሳት፣ ሥነ-ሕንጻዎችና ቅርሶች ለሀገርና ለወገን ኩራት ከመሆን አልፈው ዓለም አቀፍ ቅርሶች እስከ መሆንና ለሀገሪቱም በቱሪዝሙ ዘርፍ ከፍተኛ ገቢ እያስገኙ ያሉ ውድ ሀብቶቻችን ናቸው፡፡ የኢትዮጵያን ታሪክ ወደኋላ ዞር ብለን ብንመለከት መሪዎቿ ለቤተክርስቲያን እድገት የሚጥሩ ነበሩ የቱን አንስተን የቱን እንተወዋለን ፡፡

ለመኆኑ አቶ ኃይለ ማርያም ደሳለኝ የፕሮቴስታንት ሃይማኖት ተከታይ መሆኑ ለቤተ ክርስቲያን የሚያመጣው ችግር እና ተያያዥ ጉዳዮች ምንድናቸው? ይህ ታዲያ ብዙ ሐተታ የሚፈልግ አየመስላችሁም፡፡በጣም ሊታሰብበት የሚገባ ጉዳይ የመስለናል እስቲ እናንተም ተወያዩበት እኛ ለወደፊት እንመለስበታለን:: 

ቸር ያሰማን፡፡