በተለያዩ ቦታዎች ውጥረት ነግሶአል

ኦ እግዚኦ አድኅና ለነፍሰ አርክከ አባ ጳውሎስ 

የብፁዕ ወቅዱስ ዶክተር አቡነ ጳውሎስ ፓትርያሪክ ርእሰ ሊቀ ጳጳስ ዘኢትዮጵያ ወእጨጌ ዘመንበረ ተክለሓይማኖት

የዓለም አብያተ ክርስቲያናት ህብረት ፕሬዘዳንት እና የዓለም ሃይማኖቶች ለሰላም የክብር ፕሬዘዳንት የቀብር ስነ ስርዓት የሚፈፀምበት እለት ነሐሴ 17/2004 ሀሙስ ከቀኑ 6.00 ሰዓት በመንበረ ጸባዖት ቅድስት ስላሴ ካቴድራል መሆኑ ተገለፀ::

የጸሎት ስርአቱ የሚጀምረውም ረቡዕ በ16  ከሰዓት ብኋላ በቅድስት ማርያም ፀሎተ ፍትሃት ይጀምራል ከዚያም   ሀሙስ በመንበረ ፀባኦት ቅድስት ስላሴ ከቅዳሴ ብኋላም የተለያዩ መርሃግብሮች ተደርገው አስከሬናቸው ከብፁዕ ወቅዱስ አቡነ ተክለሐይማኖት ከተቀበሩበት አጠገብ ሥርዓተ ቀብራቸው ይፍፀማል::

ዐቃቤ መንበረ ፓትርያርክ እስኪመረጥ ድረስ ጠቅላይ ሥራ አስኪያጁ ብፁዕ አቡነ ፊልጶስ ቋሚ ሲኖዶሱን በመሰብሰብ በሐላፊነት ይቆያሉ::

በተለያዩ ቦታዎች ውጥረት ነግሶአል፡-

•       በአንዳንድ አድባራት ላይ ውጥረት ይታያል ምክነያቱ ደግሞ የቅዱስነታቸው እረፍት የሚፍጥረው ክፍተት ከፍተኛ በመሆኑ ነው:: ብዙ ይህን አጋጣሚ ሊጠቀሙ የሚችሉ እና የሚያስቡ እንዳሉ ግልፅ ነው ይህንንም ያመጣው እረፍታቸው የተጠበቀ ባለመሆኑ ነው፡፡

•        ሊከሰቱ ይችላሉ በተባሉት ችግሮች ሳቢያ የቤተ ክርስቲያን ገጽታ እንዳይበላሽ እንዲሁም ለመናፍቃን መዘባበቻ እንዳንሆን ተፈርቷል፡፡ ጥንቃቄ የሚያሻቸው ጉዳዮች አንዳሉ ተመክሮአል፡፡

•       በአዲስ አበባ በአራቱም አቅጣጫ ያሉት የሰንበት ት/ቤት ተወካዮች ከትላንት ጀምረው በመወያየት ላይ ሲሆኑ ሊከሰቱ የሚችሉ ጉዳዮችን ለመፍታት እየተረባረቡ ነው ፡፡ አንዳንድ አጥቢያ ላይም ከወትሮው በተለየ የሰንበት ት/ቤት አመራሮች በተለይ በገንዘብ ወዳድ አስተዳዳሪዎች ሊከሰት ከሚችሉ የቤተ ክርስቲያን ሀብት  ብክነትን በአይነ ቁራኛ በመከታተል ላይ ተጠምደዋል፡፡

•        “እንኳንም ዘንቦብሽ እንዲሁም ጤዛ ነሽ “ እንዲሉ ስንቱ ይህን አጋጣሚ ተፈጥሮለት አይደለም እንዲሁም የምናውቅ እናውቀዋለን ለሁሉም የውስጥ ችግሮቻችንን በውስጣችን ይዘን አሁን ማሰብ የሚገባን ቤተ ክርስቲያንን እንደሆነ እና እግዚአብሔር ከተፈራው ሁሉ አደጋ እንዲሰውረን የሁል ጊዜ ፀሎት መሆን አለብን፡፡

ኦ እግዚኦ አዕርፍ ነፍሰ አቡነ  ጳውሎስ